ஆர்.எஸ்.மங்கலம்: ஆர்.எஸ்.மங்கலம் பேருந்து நிலையம் அருகில் மிகவும் பிரசித்தி பெற்ற திரெளபதி அம்மன் ஆலய திருவிழாவை முன்னிட்டு பக்தர்கள் பூக்குழி இறங்கி நேர்த்திக் கடனை செலுத்தினர். விழாவில் ஆயிரக்கணக்கானோர் பங்கேற்றனர். ஆர்.எஸ்.மங்கலம் திரவுபதி அம்மன் ஆலயம் மிகவும் பிரசித்தி பெற்ற திருத்தலமாகும். ஆர்.எஸ்.மங்கலம் பேருந்து நிலையம் அருகே அமைந்துள்ளது. இந்த ஆலயத்தில் ஆண்டுதோறும் திருவிழா நடைபெறுவது வழக்கம். அதேபோல் இந்த ஆண்டும் கடந்த 1ம் தேதி முதல் துவங்கி பீமன் வேடம் அணியும் நிகழ்ச்சி ஆர்.எஸ்.மங்கலம் சுற்று பகுதிகளான பெத்தார் தேவன்கோட்டை, கீழக்கோட்டை, ஆவரேந்தல், சப்பாணியேந்தல், சிலுகவயல், இரட்டையூரணி,புல்லமடை, ஆதி முத்தன் குடியிருப்பு, செட்டியமடை, செங்கமடை, கொத்திடல் களக்குடி உள்ளிட்ட கிராமங்களை சேர்ந்தவர்களால் நடத்தப்பட்டது.