புதுக்கோட்டை: புதுக்கோட்டை புத்தக திருவிழாவின் நிறைவு நாளான நேற்று மாலை 10 படைப்பாளர்களுக்கு இலக்கிய விருதுகள் வழங்கும் நிகழ்ச்சி நடந்தது. இதில் ஓய்வுபெற்ற உயர் நீதிமன்ற நீதிபதி சந்துரு பேசியதாவது: தன்னை சந்திக்க வருவோர் புத்தகங்களை மட்டும் வழங்க வேண்டுமென முதல்வர் ஸ்டாலின் உத்தரவிட்டுள்ளார். எங்களின் மாணவர் பருவத்தில் புத்தகங்களை படிக்க சிரமப்படுவோம். நூலகத்தில் சில நூல்களை தேடி வைத்தால், மறுநாள் வேறொருவர் எடுத்து படித்து கொண்டிருப்பார். சிறையில் சிறைவாசிகளுக்கு செய்தித்தாள்கள் வழங்க வேண்டும் என்பதையும், சிறைவாசிகளுக்கு புத்தகங்களை வாசிக்க வழங்க வேண்டும் என்பதையும் நீண்ட சட்ட போராட்டத்துக்கு பிறகு தான் பெற்றுத்தர முடிந்தது.