சென்னை: சென்னை ராஜிவ்காந்தி அரசு மருத்துவமனைக்கு தினமும் ஆயிரக்கணக்கான புற நோயாளிகள் வந்து செல்கின்றனர். உள் நோயாளிகளாக ஆயிரத்திற்கும் மேற்பட்டோர் சிகிச்சை பெறுகின்றனர். இங்கு மருத்துவர்கள் சுழற்சி முறையில் வேலை பார்த்து வருகின்றனர். இரவு, பகலாக வேலை பார்க்கும் மருத்துவர்கள் ஓய்வெடுக்கும் வகையில் ஆண் மற்றும் பெண் மருத்துவர்களுக்கான ஓய்வு அறை இயங்கி வருகிறது. குறிப்பாக பெண் மருத்துவர்கள் சிரமம் இல்லாமல் ஓய்வெடுப்பதற்கான ஓய்வு அறை உள்ளது. இவர்களுக்கான ஓய்வு அறையில் டிவி, டைனிங் டேபிள், மேசை மற்றும் ஏசி இருந்தது. தற்போது பெண் மருத்துவர்களின் வசதிக்காக, அந்த ஓய்வு அறை நவீன வசதிகளுடன் மேம்படுத்தப்பட்டுள்ளது.