கோவை: கோவை வங்கியில் தங்கமுலாம் பூசப்பட்ட பித்தளை நகைகளை அடகு வைத்து ரூ.1.30 கோடி மோசடியில் ஈடுபட்டதாக வங்கியின் முன்னாள் மேலாளர் உள்பட 2 பேரை போலீசார் கைது செய்தனர். கோவை சேரன்மாநகரில் இந்தியன் வங்கி கிளை உள்ளது. இதில் மேலாளராக பணியாற்றியவர் பிரேம்குமார். உதவி மேலாளராக உஷா என்பவர் பணியாற்றினார். கடந்த ஆண்டு இந்த வங்கியில் வாடிக்கையாளர்கள் பெயரில் தங்கமுலாம் பூசப்பட்ட பித்தளை நகைகளை அடகு வைத்து மோசடி செய்யப்பட்டதாக தெரியவந்தது. இந்த மோசடியில் வங்கி மேலாளர் பிரேம்குமார், உதவி மேலாளர் உஷா, நகை மதிப்பீட்டாளர் உள்பட 12 பேருக்கு தொடர்பு இருப்பது விசாரணையில் தெரியவந்தது.