சென்னை சூப்பர் கிங்ஸ் அணியில் காயம் அடைந்துள்ள நியூசிலாந்து வேகம் ஆடம் மில்னேவுக்கு பதிலாக இலங்கையை சேர்ந்த இளம் வேகப் பந்துவீச்சாளர் மதீஷா பதிரணா (19 வயது) சேர்க்கப்பட்டுள்ளார். இவர் வெஸ்ட் இண்டீசில் சமீபத்தில் நடந்த ஐசிசி யு-19 உலக கோப்பை தொடரில் இலங்கை அணிக்காக விளையாடியது குறிப்பிடத்தக்கது. அந்த தொடரில் 4 போட்டியில் விளையாடி 7 விக்கெட் வீழ்த்தி இருந்தார். லசித் மலிங்காவின் பந்துவீச்சு பாணியை நினைவூட்டும் மதீஷா, பேட்ஸ்மேன்களை திணறடிக்கும் அதிவேக யார்க்கர் பந்துகளை வீசுவதில் வல்லவர்.