சென்னை: களக்காடு, காயல்பட்டணம் நகராட்சிகளில் வெற்றியை நிர்ணயிக்கும் இடத்தில் சுயேட்சைகள் உள்ளனர். களக்காடு: நெல்லை மாவட்டத்தில் புதிதாக உருவாக்கப்பட்ட களக்காடு நகராட்சியில் 27 வார்டுகள் உள்ளன. இதில் திமுக 10 இடங்களையும், அதிமுக 6 இடங்களையும், சுயேச்சைகள் 11 இடங்களையும் கைப்பற்றியுள்ளனர். களக்காடு பேரூராட்சியாக இருந்த போது தலைவர் மற்றும் துணை தலைவர் பதவிகளை திமுகவை சேர்ந்தவர்களே அலங்கரித்துள்ளனர். அதுபோல புதிதாக உருவாக்கப்பட்ட களக்காடு நகராட்சியையும் சுயேச்சைகள் உதவியுடன் திமுகவே மீண்டும் கைப்பற்றும் என எதிர்பார்க்கப்படுகிறது.