மதுரை: ஞாயிறு முழு ஊரடங்கு காரணமாக அலங்காநல்லூர் ஜல்லிக்கட்டு 16ம் தேதிக்கு பதிலாக மறுநாள் 17ம் தேதி நடைபெறும் என மதுரை கலெக்டர் அனீஷ்சேகர் கூறியுள்ளார். இது குறித்து மதுரை கலெக்டர் அனீஷ்சேகர் அளித்த பேட்டி: மதுரை மாவட்டத்தில் ஜல்லிக்கட்டு போட்டிகள், வரும் 14 முதல் 16ம் தேதி வரை நடத்த ஏற்கனவே திட்டமிடப்பட்டிருந்தது. கொரோனா, ஒமிக்ரான் பரவல் காரணமாக வரும் 16ம் தேதி (ஞாயிறு) முழு ஊரடங்கு அமலில் இருக்கும். அன்றைய தினம் அலங்காநல்லூர் ஜல்லிக்கட்டு நடத்துவதில் பல சிக்கல் ஏற்படும் என்பதால், ஊர் மக்கள், விழா குழுவினருடன் ஆலோசனை நடத்தினோம். இதன்படி அலங்காநல்லூர் ஜல்லிக்கட்டு மறுநாள் 17ம் தேதிக்கு மாற்றப்பட்டுள்ளது.