சென்னை: சென்னை எழும்பூர் அருள்மிகு சீனிவாசப் பெருமாள் திருக்கோயிலுக்கு சொந்தமான ரூ.6 கோடி மதிப்புள்ள சொத்து திருக்கோயில் வசம் சுவாதீனம் பெறப்பட்டுள்ளது. தமிழ்நாடு முதலமைச்சர் மு.க.ஸ்டாலின் அவர்களின் வழிகாட்டுதலின்படி இன்று எழும்பூர் அருள்மிகு சீனிவாசப் பெருமாள் திருக்கோயிலுக்கு சொந்தமான சுமார் 3300 சதுரடி பரப்பளவுள்ள மனை மற்றும் வணிகம் கட்டிடம் ஆக்கிரமிப்பாளர்களிடமிருந்து திருக்கோயில் வசம் சுவாதீனம் பெறப்பட்டுள்ளது. இந்து சமய அறநிலையத்துறை அமைச்சர் திரு.பி.கே.சேகர்பாபு அவர்கள் சீராய்வு கூட்டங்களின் அறிவுறுத்தலின்படி துரித நடவடிக்கை மேற்கொள்ளப்பட்டுள்ளது.