டெல்லி: தமிழ்நாடு உள்ளிட்ட 19 மாநிலங்களின் ஊரக மற்றும் நகர்ப்புற உள்ளாட்சி அமைப்புகளுக்கான சுகாதார மானியத்தை மத்திய நிதி அமைச்சகம் விடுவித்துள்ளது. இது தொடர்பாக மத்திய நிதித்துறை அமைச்சகம் வெளியிட்டுள்ள அறிக்கையில்; 15-வது நிதிக்குழு 2021- 2026 காலகட்டம் வரை உள்ளாட்சி அமைப்புகளுக்கு ரூ.4,27,911 கோடி மானியமாக வழங்க பரிந்துரை செய்துள்ளதாக தெரிவிக்கப்பட்டுள்ளது. பரிந்துரையில் வழங்கப்பட்ட மொத்த தொகையில் சுகாதாரத்திற்கான மானியமாக ரூ.70,051 கோடி ஒதுக்கப்பட்டது.