சென்னை: மீண்டும் மேடை நாடகங்களில் நடிக்க திட்டமிட்டுள்ளதாக நடிகர் கமல்ஹாசன் தெரிவித்தார். இதுகுறித்து நேற்று முன்தினம் சென்னையில் நடந்த மேடை நாடக நிகழ்ச்சி ஒன்றில் அவர் பேசியதாவது: நான் டி.கே.எஸ் நாடகக் குழுவில் இருந்து வந்தவன். எல்லோரும் நாடகத்தில் இருந்து சினிமாவில் நடிக்க செல்வார்கள். நான் சினிமாவில் இருந்து நாடகத்துக்கு வந்தேன். மீண்டும் என்னை சினிமாவை நோக்கி தள்ளிவிட்டது நாடகம்தான். மீண்டும் நாடக மேடைக்கு வர ஆசைப்பட்டேன். யாரும் என்னை இணைத்துக் கொள்ளவில்லை. நான் நாடகத்தின் ரசிகன் என்பதுதான் எனது முதல் தகுதி. நிஜமான திறமையை அடையாளப்படுத்துவது நாடக மேடைதான்.