டெல்லி: பக்தர்கள் கோரிக்கை ஏற்று அடுத்த மாதம் 19ம் தேதி முதல் மதுரையில் இருந்து முதல் முறையாக திருப்பதிக்கு விமான சேவை தொடங்கவுள்ளதாக இண்டிகோ விமான நிறுவனம் அறிவித்துள்ளது. மதுரை விமான நிலையத்திலிருந்து மதியம் 3.00 மணிக்கு புறப்படும் விமானம், மாலை 4.20 மணிக்கு திருப்பதி விமான நிலையத்தை அடையும். அதேபோல் திருப்பதி விமான நிலையத்தில் இருந்து மாலை 4.40 மணிக்கு புறப்படும் விமானம் மதுரை விமான நிலையத்திற்கு 6.40 மணிக்கு வந்து சேரும் எனவும் இண்டிகோ நிறுவனம் தகவல் தெரிவித்துள்ளது. மதுரையில் இருந்து சென்னை, பெங்களூரு, ஐதராபாத், டெல்லி, மும்பை உள்ளிட்ட வெளிமாநிலங்களுக்கு தினந்தோறும் இண்டிகோ மற்றும் ஏர் இந்தியா விமான நிறுவனங்கள் மட்டுமே தங்களின் சேவையை வழங்கி வருகின்றன.