சென்னை: கலைஞர் கருணாநிதி அறக்கட்டளை சார்பில் மருத்துவம் மற்றும் கல்வி உதவி நிதியாக ரூ.2 லட்சத்தை, திமுக தலைவர் மு.க.ஸ்டாலின் வழங்கினார். இது குறித்து தலைமை கழகம் வெளியிட்ட அறிக்கை: கலைஞர் கருணாநிதி அறக்கட்டளைக்காக, தலைவர் கலைஞர் தனது சொந்த பொறுப்பில் அளித்த ஐந்து கோடி ரூபாயினை வங்கியில் வைப்பு நிதியாக போடப்பட்டு, அதில் கிடைக்கப்பெறும் வட்டித் தொகையினைக் கொண்டு, மாதந்தோறும் ஏழை எளிய நலிந்தோர்க்கு உதவித் தொகையாக 2005 நவம்பர் மாதம் முதல் 2007 ஜனவரி மாதம் வரை வழங்கப்பட்டு வருகிறது.