காந்திநகர்: குஜராத் மாநிலத்தின் 17வது முதல்வராக பூபேந்திர படேல் நேற்று பதவியேற்றுக் கொண்டார். குஜராத் மாநிலத்தில் இரு தினங்களுக்கு முன், முதல்வர் விஜய் ரூபானி திடீரென பதவி விலகினார். இதைத் தொடர்ந்து, புதிய முதல்வரை தேர்வு செய்வதற்காக பாஜ எம்எல்ஏக்கள் கூட்டம் நேற்று முன்தினம் நடந்தது. இதில் யாரும் எதிர்பார்க்காத வகையில், முதல் முறை எம்எல்ஏவான பூபேந்திர படேல் ஒருமனதாக தேர்வு செய்யப்பட்டார். அவரது தலைமையில் புதிய ஆட்சி அமைக்க ஆளுநர் அனுமதி வழங்கினார்.