சென்னை: சென்னை ஓமந்தூரார் அரசு மருத்துவக்கல்லூரி மருத்துவமனை, சென்னை மாவட்ட பார்வை இழப்பு தடுப்பு சங்கம், சென்னை மாநகராட்சி இணைந்து தேசிய கண்ணொளி திட்டத்தின் கீழ், கண்தான விழிப்புணர்வு குறித்த இருவார விழா கடந்த 25ம் தேதி முதல் மருத்துவமனையில் நடைபெற்று வருகிறது. நிகழ்ச்சியில், கண்தானத்தின் முக்கியத்துவம் மற்றும் சிகிச்சை முறைகள் குறித்த சிறப்பு கருத்தரங்கம் நேற்று நடைபெற்றது. இதில் மருத்துவமனை டீன் டாக்டர் ஜெயந்தி தலைமையில், துணை முதல்வர் சுகுணாபாய், ஒருங்கிணைப்பு அதிகாரி மருத்துவர் ரமேஷ், கண் மருத்துவப் பேராசிரியர் சமரபுரி, மருத்துவர் இந்திரா, மாவட்ட பார்வை இழப்பு தடுப்பு திட்ட மேலாளர் மருத்துவர் சிவக்குமார் மற்றும் மருத்துவர்கள், மருத்துவ மாணவர்கள் பலர் கலந்து கொண்டனர்.