கொரோனா நிவாரணம்...முதல் தவணையாக ரேஷன் கடைகளில் ரூ.2000 வழங்கும் திட்டம் இன்று தொடக்கம்
சென்னை: கொரோனா நிவாரண நிதியின் முதல் தவணை 2000 வழங்கும் பணி தொடங்கியது. கொரோனா நிவாரண நிதியாக அனைத்து அரிசி குடும்ப அட்டைதாரர்களுக்கு 4 ஆயிரம் வழங்கப்படும் என திமுக தலைவர் மு.க.ஸ்டாலின் அறிவித்திருந்தார். இதையடுத்து முதல் தவணையாக இந்த மாதம் 2 ஆயிரம், அடுத்த மாதம் 2 ஆயிரம் வழங்க உத்தரவிடப்பட்டது. இதைதொடர்ந்து, கொரோனா நிவாரண நிதி வழங்கும் வகையில் கடந்த 10-ம் தேதி 2.07 கோடி பேருக்கு டோக்கன் வழங்கப்பட்டது.
இதனை முதல்வர் மு.க.ஸ்டாலின் தலைமை செயலகத்தில் 10-ம் தேதி தொடங்கி வைத்தார். எனவே வீடு, வீடாக டோக்கன் விநியோகம் செய்யப்பட்டது. இன்று முதல் ரேஷன் கடைகளில் ரூ.2,000 வழங்கப்பட்டு வருகிறது. நியாய விலைக்கடைகள் காலை 8 மணி முதல் நண்பகல் 12 மணி வரை மட்டுமே செயல்படும் என அறிவிக்கப்பட்டுள்ளதால் அதற்கேற்ப டோக்கன்களில் குறிப்பிட்ட நாளில், குறிப்பிட்ட நேரத்தில் கொரோனா வைரஸ் நிவாரண முதல் தவணைத் தொகை எந்த புகாருக்கும் இடமின்றி வழங்கப்பட வேண்டும் என முதல்வர் கூறியிருந்தார்.
