சென்னை: கோவாக்சின் தடுப்பூசி விலையில் ரூ.200 குறைக்கப்படுவதாக பாரத் பயோடெக் நிறுவனம் அறிவித்துள்ளது. மாநில அரசுகளுக்கு ஒரு டோஸ் கோவாக்சின் தடுப்பூசி ரூ.400க்கு வழங்கப்படும். கோவிஷீல்டு தடுப்பூசி விலை ரூ.100 குறைக்கப்பட்ட கோவாக்சின் விலை ரூ.200 குறைக்கப்பட்டுள்ளது. மாநில அரசுகளுக்குவழங்கப்படும் கோவாக்சின் தடுப்பூசி விலை ரூ.600 ஆக நிர்ணயிக்கப்பட்டு இருந்தது. தனியாருக்கு விற்கப்படும் கோவாக்சின் தடுப்பூசி விலை ரூ.1200ஆக தொடரும். மாநில அரசுகள் மற்றும் தனியார் அமைப்புகள் தொடர்ந்து அதிக விலையில் தடுப்பூசி விற்கப்படுவதற்கு எதிர்ப்பு தெரிவித்து வருகிறார்கள்.