சென்னை: சைதாப்பேட்டை தொகுதி திமுக வேட்பாளர் மா.சுப்பிரமணியன் நேற்று 140அ வட்டத்திற்கு உட்பட்ட பகுதிகளில் 5 மணி நேரம் நடந்தே சென்று மக்களிடம் வாக்குச் சேகரித்தார். அவருக்கு பொதுமக்கள், இளைஞர்கள், மாணவர்கள், வணிக பெருமக்கள், தொழிலாளர்கள், நலச்சங்க நிர்வாகிகள் என அனைவரும் உற்சாக வரவேற்பு அளித்து, தங்கள் ஆதரவை தெரிவித்தனர். அப்போது மா.சுப்பிரமணியன் பேசுகையில், ‘‘சைதாப்பேட்டை தொகுதிக்கு எனது சொந்த செலவில் சமூக சிந்தனையுடன் 10க்கும் மேற்பட்ட திட்டங்களை செயல்படுத்தி, மக்கள் பணியாற்றி வருகிறேன். மலேரியா, டெங்கு போன்ற காலக்கட்டங்களில் பொதுமக்களுக்கு மருத்துவ முகாம் நடத்தி, மருந்து மாத்திரைகளை இலவசமாக வழங்கி உள்ளேன். கோடை காலங்களில் குடிநீர் தட்டுப்பாட்டை தவிர்க்க, லாரிகளில் குடிநீர் வழங்கி உள்ளேன்.