சென்னை: நடிகர் அஜித் கூகுள் மேப் மூலம் இடமாறி திடீரென சென்னை காவல் ஆணையர் அலுலக வளாகத்திற்குள் சென்றதால் அங்கு கூட்டம் கூடியது. நடிகர் அஜித் அரைக்கால் சட்டையுடன் முகக்கவசம் அணிந்தவாறு வேப்பேரியில் உள்ள காவல் ஆணையர் அலுவலகத்திற்கு சென்றுள்ளார். அரைக்கால் சட்டையுடன் செல்ல அனுமதி மறுக்கப்பட்ட நிலையில் முகக்கவசத்தை கழற்றியதும் அவரை போலீசார் அடையாளம் கண்டுகொண்டனர். இதையடுத்து போலீசார் மற்றும் புகார் அளிக்க வந்திருந்த பொதுமக்கள் சூழ்ந்துகொண்டு அவருடன் உற்சாகத்துடன் செல்பி எடுத்துக்கொண்டனர்.