ஊட்டி: கிறிஸ்துமஸ் மற்றும் வார விடுமுறையை முன்னிட்டு ஊட்டியில் சுற்றுலா தலங்களில் மக்கள் கூட்டம் அலைமோதுவதால் வியாபாரிகள் மகிழ்ச்சியடைந்துள்ளனர். கிறிஸ்துமஸ் மற்றும் புத்தாண்டு விடுமுறையை முன்னிட்டு ஊட்டியில் தற்போது சுற்றுலா பயணிகள் குவிந்துள்ளனர். அனைத்து சுற்றுலாத்தலங்களும் சுற்றுலா பயணிகள் கூட்டத்தால் களைகட்டியுள்ளது. கடந்த வாரத்தை காட்டிலும் நேற்று தாவரவியல் பூங்கா உட்பட அனைத்து சுற்றுலா தலங்களிலும் மக்கள் கூட்டம் அலைமோதியது.