சென்னை: கோ-ஆப்டெக்ஸ் நிர்வாக மேலாண்மை இயக்குனர் மைதிலி ராஜேந்திரன், அனைத்து மண்டல மேலாளர்களுக்கு அனுப்பியுள்ள கடிதத்தில் கூறப்பட்டுள்ளதாவது, ‘‘கோ-ஆப்டெக்ஸ் விற்பனை நிலையங்கள் மூலம் அனைத்து அரசு அலுவலகங்கள், தனியார் நிறுவனங்கள், கல்வி நிறுவனங்கள் உள்ளிட்ட வளாகங்களில் நேரடி வளாக விற்பனையில் மாற்றங்கள் கொண்டு வர நிர்வாகம் முடிவு செய்துள்ளது. எனவே, அனைத்து விற்பனை நிலையங்களில் வளாக விற்பனை டிசம்பர் 1 (நேற்று) முதல் தடை விதிக்கப்படுகிறது. மேலும், ஏற்கனவே வளாக விற்பனையை மேற்கொண்டு வரும் விற்பனை நிலையங்கள் வரும் 5ம் தேதிக்குள் விற்பனையை முடிக்க மண்டல அலுவலகங்கள் அறிவுறுத்த வேண்டும்.