திருத்தணி: திருத்தணி அடுத்த கேஜி கண்டிகையில் உள்ள தனியார் திருமண மண்டபத்தில் திருவள்ளூர் மேற்கு மாவட்ட தி.மு.க., சார்பில், பாக முகவர்கள் பாசறை பயிற்சி கூட்டம் நடந்தது. தி.மு.க., மாவட்ட பொறுப்பாளர் எம்.பூபதி தலைமை வகித்தார். பாக முகவர்களுக்கு வாக்குசாவடியில் எவ்வாறு பெயர் சேர்த்தல், நீக்கல், முகவரி மாற்றம் போன்ற பல்வேறு திருத்தம் வாக்காளர் பட்டியலில் மேற்கொள்வது குறித்து வழிகாட்டி புத்தகம் மாவட்ட பொறுப்பாளர் பாக முகவர்களுக்கு வழங்கினார். பயிற்சியில் திருத்தணி சட்டமன்ற தொகுதியில் உள்ள திருத்தணி, திருவலாங்காடு, ஆர்.கே.பேட்டை ஆகிய மூன்று ஒன்றியங்களடங்கிய வாக்குச்சாவடி நிலையங்களுக்கு திமுக சார்பில் தொகுதி பாக முகவர்கள் பயிற்சி பெற்றனர்.