சென்னை: எம்.பி.பி.எஸ்., பி.டி.எஸ். மருத்துவ படிப்புகளுக்கான கலந்தாய்வு சென்னையில் தொடங்கியது. சென்னை நேரு உள்விளையாட்டு அரங்கில் மருத்துவ படிப்பு கலந்தாய்வு நடைபெறுகிறது. முதல் 3 நாட்களுக்கு அரசு பள்ளி மாணவர்களுக்கான உள் ஒதுக்கீடு இடங்கள் நிரப்பப்பட உள்ளன. அரசு பள்ளி மாணவருக்கான 7.5% உள் ஒதுக்கீட்டுக்கான தரவரிசை பட்டியலில் 951 பேர் இடம் பெற்றுள்ளனர். அரசு பள்ளி மாணவர்களுக்கான உள் ஒதுக்கீட்டில், 405 இடங்களுக்கு விண்ணப்பித்த 951 பேருக்கு அழைப்பு விடுக்கப்பட்டுள்ளது. நேரு உள் விளையாட்டு அரங்கில் மருத்துவ கவுன்சில் நடைபெறுவது இதுவே முதன்முறையாகும்.