சென்னை: மெட்ரோ ரயில் சேவை நேரம் காலை 5.30 மணி முதல் இரவு 11 மணி வரையில் நீட்டிக்கப்பட்டுள்ளது. இதுகுறித்து, மெட்ரோ ரயில் நிர்வாகம் நேற்று வெளியிட்ட அறிக்கை: சென்னையில் மெட்ரோ ரயில் சேவைகள் தற்போது காலை 7 மணி முதல் இரவு 9 மணி வரையில் இயக்கப்பட்டு வருகின்றன. இந்தநிலையில் பொதுமக்கள், பணியாளர்கள் மற்றும் பயணிகளின் கோரிக்கையை கருத்தில்கொண்டு மெட்ரோ ரயில் சேவைகள் 8ம் தேதி(இன்று) முதல் நீட்டிக்கப்படுகின்றன. அதன்படி, திங்கள் கிழமை முதல் சனிக்கிழமை வரை தினந்தோறும் காலை 5.30 மணி முதல் இரவு 11 மணி வரை மெட்ரோ ரயில் சேவைகள் இயக்கப்படும். உச்சநேரங்களில் 7 நிமிட இடைவெளியிலும் மற்ற நேரங்களில் 10 நிமிட இடைவெளியிலும் மெட்ரோ ரயில்கள் இயக்கப்படும்.