தியேட்டரில் படம் ஒளிபரப்புவதற்கான விபிஎப் கட்டணம் செலுத்துவது தொடர்பாக தயாரிப்பாளர்களுடன் தியேட்டர் அதிபர்கள் பேச்சுவார்த்தை நடத்த உள்ளனர். தியேட்டரில் டிஜிட்டல் முறையில் படங்களை ஒளிபரப்ப விபிஎப் கட்டணம் வசூலிக்கப்படுகிறது. இந்த கட்டணத்ைத தயாரிப்பாளர்கள் செலுத்தி வந்தனர். இனிமேல் தியேட்டர் அதிபர்கள்தான் இந்த கட்டணத்தை செலுத்த வேண்டும் என நடப்பு தயாரிப்பாளர்கள் சங்க தலைவர் பாரதிராஜா தெரிவித்து இருந்தார். கட்டணத்தை செலுத்தவில்லையென்றால் புதிய படங்களை தியேட்டர்களில் திரையிட மாட்டோம் என்றும் அவர் கூறினார். இது குறித்து தமிழ்நாடு தியேட்டர் அதிபர்கள் சங்க தலைவர் திருப்பூர் சுப்பிரமணியம் கூறியதாவது: விபிஎப் கட்டணத்தை வசூலிக்கும் டிஜிட்டல் நிறுவனங்களிடமிருந்து எங்களால் சலுகைகள் பெற்றுத் தர முடியும்.