மதுரை: திருச்சி ஸ்ரீரங்கத்தைச் சேர்ந்த சிவா, ஐகோர்ட் மதுரை கிளையில் தாக்கல் செய்த மனு:
கொரோனா பரிசோதனை முடிவுகள் விரைவில் வழங்கப்படுவதில்லை. பரிசோதனை முடிவுகள் வராமல் தனியார், அரசு மருத்துவமனைகளில் சிகிச்சை அளிக்கப்படுவதில்லை. இந்த தாமதத்தால் மாரடைப்பு, இருதயக்கோளாறுகள், கர்ப்பிணிகள் ஆகியோருக்கு முதலுதவி சிகிச்சை வழங்க மருத்துவமனைகள் தயங்குகின்றன. இதனால் சில நேரங்களில் உயிரிழப்புகள் ஏற்படுகிறது. எனது மனைவிக்கும் கொரோனா பரிசோதனை செய்யப்பட்டது. அதன் முடிவு வர 8 நாட்களானதால் அவர் பாதிக்கப்பட்டார்.