சென்னை: ஆவடி ராணுவ தொழிற்சாலையில் தயாரிக்கப்பட்ட குண்டு துளைக்காத கவச உடைகள் தமிழக காவல்துறையிடம் வழங்கப்பட்டது. தற்சார்பு இந்தியா திட்டத்தின் கீழ் உள்நாட்டிலியே பல்வேறு பொருட்களை தயாரிக்கும் திட்டங்களை மத்திய அரசு செயல்படுத்திவருகிறது. இந்நிலையில் தமிழக காவல் துறைக்கு தேவையான குண்டு துளைக்காத கவச உடைகள் தயாரிக்கும் பணி ஆவடி ராணுவ ஆடை தொழிற்சாலைக்கு வழங்கப்பட்டது. இதன்படி தயாரிக்கப்பட்ட கவச உடைகளை தமிழக காவல் துறையிடம் வழங்கும் நிகழ்வு நேற்று முன்தினம் ஆவடி ராணுவ ஆடை தொழிற்சாலையில் நடைபெற்றது.