சென்னை: தமிழ் திரைப்படத் தயாரிப்பாளர்கள் பாரதிராஜா, எஸ்.ஏ.சந்திரசேகரன், கேயார், கே.ராஜன், டி.சிவா, தியாகராஜன், தனஞ்செயன் ஆகியோர் நேற்று செய்தி ஒளிபரப்புத்துறை அமைச்சர் கடம்பூர் ராஜுவை சந்தித்து பேசினார்கள். அப்போது அவர்கள் தியேட்டர்களை திறக்க வேண்டும், உள்ளூர் கேளிக்கை வரி 8 சதவிகிதத்தை நீக்க வேண்டும், டிக்கெட் கட்டணம் குறைக்க வேண்டும், சினிமா படப்பிடிப்பு தொடங்க அனுமதிக்க வேண்டும் என்பது உள்ளிட்ட பல கோரிக்கைகளை வலியுறுத்தி மனு கொடுத்தனர். அதை பெற்றுக் கொண்ட அமைச்சர் முதல்வருடன் கலந்து பேசி உரிய நடவடிக்கைகள் எடுப்பதாக கூறினார்.