சென்னை: தமிழகம் முழுவதும் இன்று முழு ஊரடங்கு கடைபிடிக்கப்படுவதால் டாஸ்மாக் கடைகள் மூடப்படுகிறது. தமிழகத்தில் கொரோனா பரவலை கட்டுப்படுத்த மார்ச் 24ம் தேதி முதல் ஊரடங்கு கடைபிடிக்கப்பட்டு வருகிறது. இந்தநிலையில், சென்னை நீங்கலாக கடந்த மாதம் டாஸ்மாக் கடைகள் திறக்கப்பட்டது. சென்னையை தொடர்ந்து மதுரை, தேனி, திருவண்ணாமலை உள்ளிட்ட மாவட்டங்களில் கொரோனா பாதிப்பு நாளுக்கு நாள் அதிகரித்து வருகிறது. இதனால், ஊரடங்கை 6 வது கட்டமாக ஜூலை 31ம் தேதி வரை நீட்டித்து அரசு அறிவித்துள்ளது. இந்த ஊரடங்கில் கோயில்களை திறக்கவும், டீக்கடை உள்ளிட்ட தனிக்கடைகள் திறக்க அனுமதி வழங்கியும் அரசு உத்தரவிட்டுள்ளது.