டெல்லி: டெல்லி மாநிலத்தில் கடந்த சில நாட்களாக கொரோனா பாதிப்பு குறைந்து பொதுநிலைமை மேம்பட்டு வருகிறது. இருப்பினும் மனநிறைவுக்கு இடமில்லை என முதல்வர் அரவிந்த் கெஜ்ரிவால் தெரிவித்துள்ளார். டெல்லியில் ஒரு மாதத்திற்கு முன்பு கணித்தபடி கொரோனா தொற்று பாதிப்பு இல்லை. இந்த கொரோனா தொற்று கணிக்க முடியாததாக உள்ளது. இந்த நிலையில் தடுப்பு நடவடிக்கை இன்னும் தீவிரமாக தொடர வேண்டும் என தெரிவித்தார்.

இதனையடுத்து தற்போதைய சூழ்நிலை குறித்து அரவிந்த் கெஜ்ரிவால் பேசியதாவது: டெல்லியில் ஜூன் 30-ம் தேதிக்குள் கொரோனாவால் 1 லட்சத்திற்கும் மேற்பட்டோர் பாதிக்கப்படுவார்கள் என்றும், அதில் 60,000 பேர் கொரோனாவால் பாதிக்கப்பட்டு சிகிச்சையில் இருப்பார்கள் என்று கணிக்கப்பட்டது. ஆனால் இன்று வரை 26,000 பேர் மட்டுமே சிகிச்சையில் இருப்பதாக தெரிவித்துள்ளார். அனைவரின் கடின உழைப்பின் மூலமாகக் நிலைமை கட்டுப்படுத்த முடிந்தது.

இந்த நிலையில் நாம் நமது முயற்சிகளை அதிக வீரியத்துடன் தொடர வேண்டும். கொரோனா சோதனை எண்ணிக்கையை அதிகரித்துள்ளது. பொதுநிலைமைக்கு ஒரு நல்ல அறிகுறியாக உள்ளது. முன்னதாக 100 பேரில் 31 பேரின் சோதனை மாதிரிகள் சேகரிக்கப்பட்ட நிலையில் அதை கொரோனா வைரஸுக்கு சாதகமாக சோதிக்கப்பட்டது. இன்று, 100 பேரில் 13 பேர் நேர்மறை சோதனைகளை பரிசோதித்து வருகின்றனர் என்றார். டெல்லி மாநிலத்தில் கொரோனாவால் 87,360 பேருக்கு தொற்று உறுதி செய்யப்பட்டுள்ளது. அதில், 2,742 பேர் உயிரிழந்துள்ள நிலையில் 58,348 பேர் குணமடைந்துள்ளனர். 26, 270 பேர் சிகிச்சை பெற்று வருகின்றனர். இந்தியளவில் கொரோனா பாதிப்பில் டெல்லி மாநிலம் 3-வது இடத்தில் உள்ளது குறிப்பிடத்தக்கது.