ஸ்ரீபெரும்புதூர்: ஸ்ரீபெரும்புதூர் தாலுகாவில் உள்ள நீர்பாசன ஏரிகளில், குடிமராமத்து திட்டத்தின் கீழ் மதகு, கலங்கல், கரை, வரவுக் கால்வாய் ஆகியவை சீரமைக்க நிதி ஒதுக்கீடு செய்யபட்டுள்ளது. இதையொட்டி, பெரும்புதூர் ஒன்றியம் குண்டுபெரும்பேடு 89.26 லட்சம், கொளத்தூர் 47.64 லட்சம், அக்கமாபுரம் 57.61 லட்சம், வடமங்கலம் 52.59 லட்சம், காந்தூர் 49.66 லட்சம், எறையூர் 39.07 லட்சம், ஏகனாபுரம் 44.65 லட்சம், வெங்காடு 43.67 லட்சத்தில் என ஏரிகளில் மதகு, கலங்கல், கரை, வரவுக் கால்வாய் சீரமைப்பு பணி நடந்து வருகிறது. இந்நிலையில் வடமங்கலம், கொளத்தூர் ஏரி சீரமைப்பு பணிகளை பொதுப்பணித் துறை நீர்வள மேலாண் இயக்குனர் சத்தியகோபால், காஞ்சிபுரம் கலெக்டர் பொன்னையா ஆகியோர் நேற்று பார்வையிட்டு ஆய்வு செய்தார்.