சென்னை: சென்னை மாவட்டத்தில் உள்ள 16 சட்டமன்ற தொகுதிகளுக்கான இறுதி வாக்காளர் பட்டியலை நேற்று ஆணையர் பிரகாஷ் வெளியிட்டார். இதன்படி சென்னையில் மொத்தம் 39.46 லட்சம் வாக்காளர்கள் உள்ளனர். இந்திய தேர்தல் ஆணைய உத்தரவுப்படி 2020 ஜனவரி 1ம் தேதியை தகுதி ஏற்பு நாளாக கொண்டு வாக்காளர் பட்டியல் தயார் செய்யும் பணி நடந்தது. அதன்படி கடந்த டிசம்பர் 23ம் தேதி வரைவு வாக்காளர் பட்டியல் வெளியிடப்பட்டது. இந்த வாக்காளர் பட்டியலின்படி சென்னை மாவட்டத்தில் 38,88,673 வாக்காளர்கள் இருந்தனர். இதனை தொடர்ந்து ஜனவரி 4, 5, 11, 12 ஆகிய தேதிகளில் வாக்காளர் பட்டியலில் பெயர் சேர்க்க மற்றும் நீக்குவதற்கான சிறப்பு முகாம் நடந்தது. மேலும் கடந்த 22ம் தேதி வரை ஆன்லைன் மூலமாகவும் விண்ணப்பிக்கலாம் என்று அறிவுறுத்தப்பட்டது. இதன்படி 65,215 பேர் விண்ணப்பங்களை சமர்ப்பித்திருந்தனர். இதில் ஆண்கள் 31,158, பெண்கள் 34,031, இதர பிரிவினர் 26 பேர்.
இந்த மனுக்கள் மீது உரிய நடவடிக்கை எடுக்கப்பட்டு 28,728 ஆண்கள், 31,151 பெண்கள், 26 இதர பிரிவினர் உள்ளிட்ட 59,905 விண்ணப்பங்கள் ஏற்றுக் கொள்ளப்பட்டன. மேலும் வாக்குச்சாவடி அலுவலர்கள் செய்த ஆய்வின் அடிப்படையிலும் பெயர் நீக்குவதற்காக படிவம் 7 அளித்தவர்களின் அடிப்படையில் 3,384 விண்ணப்பங்கள் ஆய்வு செய்யப்பட்டன. இதில் 890 ஆண்கள், 894 பெண்கள், 2 இதர பிரிவினர் உள்ளிட்ட 1786 பேர் நீக்கப்பட்டுள்ளனர். இந்நிலையில் இந்திய தேர்தல் ஆணைய உத்தரவின்படி 2020ம் ஆண்டிற்கான இறுதி வாக்காளர் பட்டியலை சென்னை மாநகராட்சி ஆணையரும், மாவட்ட தேர்தல் அலுவலருமான ஆணையர் பிரகாஷ் அனைத்து கட்சி பிரதிநிதிகள் முன்னிலையில் வெளியிட்டார். இதில் திமுக சார்பில் மருதுகணேஷ், அதிமுக வெங்கடேஷ் பாபு, மார்க்சிஸ்ட் கம்யூனிஸ்ட் கட்சி மாவட்ட செயற்குழு உறுப்பினர் முருகேஷ் மற்றும் பாஜ, தேமுதிக, காங்கிரஸ், இந்திய கம்யூனிஸ்ட் உள்ளிட்ட கட்சிகளை சேர்ந்த பிரதிநிதிகள் கலந்து கொண்டனர்.
இந்த வாக்காளர் பட்டியல்படி சென்னை மாநகராட்சியில் உள்ள 16 சட்டமன்ற தொகுதிகளில் மொத்தம் 39,46,792 வாக்காளர்கள் உள்ளனர். இதில் ஆண்கள் 19,43,556, பெண்கள் 20,02,223, இதர பிரிவினர் 1013. கடந்த டிசம்பர் மாதம் வெளியிடப்பட்ட வரைவு வாக்காளர் பட்டியலை விட 58,119 வாக்காளர்கள் இறுதி வாக்காளர் பட்டியலில் கூடுதலாக இணைக்கப்பட்டுள்ளனர். இவர்களில் 19,686 பேர் 18 வயது பூர்த்தியடைந்த இளம் வாக்காளர்கள். சென்னையில் உள்ள 16 சட்டமன்ற தொகுதிகளில் குறைந்த பட்சமாக துறைமுகம் தொகுதியில் 1,73,337 வாக்காளர்களும், அதிகபட்சமாக வேளச்சேரி சட்டமன்ற தொகுதிகளில் 3,06,347 வாக்காளர்களும் உள்ளனர். நிகழ்ச்சியில் கூடுதல் மாவட்ட தேர்தல் அலுவலரும், துணை ஆணையருமான குமரவேல் பாண்டியன், தேர்தல் பிரிவின் மாவட்ட வருவாய் அலுவலர் பெருமாள் ஆகியோர் கலந்து கொண்டனர். பொதுமக்கள் சென்னை மாநகராட்சி ரிப்பன் மாளிகையில் மண்டல அலுவலகம் வாக்குச்சாவடி மையங்களிலும், இந்திய தேர்தல் ஆணையத்தின் www.election.tn.gov.in இணையதளத்திலும் பட்டியலை பார்வையிடலாம்.வ.எண் சட்டமன்ற தொகுதியின் பெயர் ஆண்கள் பெண்கள் 3ம் பாலினம் மொத்தம்1 டாக்டர் ராதாகிருஷ்ணன்நகர் 1,23,147 1,32,132 102 2,55,3812 பெரம்பூர் 1,49,076 1,53,440 65 3,02,5813 கொளத்தூர் 1,34,286 1,39,470 65 2,73,8214 வில்லிவாக்கம் 1,23,784 1,28,301 62 2,52,1475 திரு.வி.க நகர் (தனி) 1,04,327 1,10,561 51 2,14,9396 எழும்பூர் (தனி) 92,315 93,921 54 1,86,2907 ராயபுரம் 90,175 93,779 49 1,84,0038 துறைமுகம் 90,333 82,952 52 1,73,3379 சேப்பாக்கம்- திருவல்லிக்கேணி 1,13,079 1,17,181 29 2,30,28910 ஆயிரம்விளக்கு 1,16,167 1,21,113 86 2,37,36611 அண்ணாநகர் 1,36,897 1,41,439 81 2,78,41712 விருகம்பாக்கம் 1,39,262 1,39,598 84 2,78,94413 சைதாப்பேட்டை 1,35,115 1,39,729 72 2,74,91614 தியாகராயநகர் 1,16,111 1,18,899 42 2,35,05215 மயிலாப்பூர் 1,27,707 1,35,219 36 2,62,96216 வேளச்சேரி 1,51,775 1,54,489 83 3,06,347மொத்தம் 19,43,556 20,02,223 1,013 39,46,792* கடந்த டிசம்பர் மாதம் வெளியிடப்பட்ட வரைவு வாக்காளர் பட்டியலை விட 58,119 வாக்காளர்கள் இறுதி வாக்காளர் பட்டியலில் கூடுதலாக இணைக்கப்பட்டுள்ளனர். இவர்களில் 19,686 பேர் 18 வயது பூர்த்தியடைந்த இளம் வாக்காளர்கள். 16 சட்டமன்ற தொகுதிகளில் மொத்த வாக்காளர்கள்ஆண்கள் பெண்கள் இதரர் மொத்தம்19,43,556 20,02,223 1013 39,46,792வேளச்சேரியில் அதிக வாக்காளர்கள்ஆண்கள் பெண்கள் இதரர் மொத்தம்1,51,775 1,54,489 83 3,06,347துறைமுகத்தில் குறைந்த வாக்காளர்கள்ஆண்கள் பெண்கள் இதரர் மொத்தம்90,333 82,952 52 1,73,337