சென்னை: உள்ளகரம்-ஆதம்பாக்கம் நியூ பிரின்ஸ் மெட்ரிக் மேல்நிலை பள்ளிகளின் சார்பில் அறிவியல், கலை மற்றும் கைவினை பொருட்கள் கண்காட்சி கல்வி குழும தலைவர் கே.லோகநாதன் தலைமையில் நடைபெற்றது. துணை தலைவர்கள் எல்.நவீன்பிரசாத், எல்.அர்ச்சனா, செயலாளர் வி.எஸ்.மகாலட்சுமி முன்னிலை வகித்தனர். தென்சென்னை முன்னாள் எம்.பி சிட்லபாக்கம் ச.ராஜேந்திரன் மற்றும் முன்னாள் தமிழ்நாடு மாநில தேர்தல் ஆணையர் த.சந்திரசேகரன் ஆகியோர் விழாவை துவக்கி வைத்து பொதுத்தேர்வில் அதிக மதிப்பெண்கள் பெற்ற மாணவர்களுக்கு பள்ளி சார்பில் கல்வி ஊக்கத்தொகை மற்றும் சான்றிதழ் வழங்கி பாராட்டினர். கண்காட்சி நிறைவு விழாவில் தமிழக அரசின் செய்தி மற்றும் விளம்பரத்துறை அமைச்சர் கடம்பூர் செ.ராஜூ மற்றும் தமிழக அரசின் கூடுதல் தலைமை செயலாளர் வெ.இறையன்பு ஆகியோர் பங்கேற்று மாணவர்களின் படைப்புகளை பார்வையிட்டு பரிசு மற்றும் சான்றிதழ் வழங்கி பாராட்டினர். மேலும் நியூ பிரின்ஸ் கல்வி குழுமத்தின் 36 ஆண்டு கால கல்வி சேவையை பாராட்டி விழா மலரை அமைச்சர் கடம்பூர் செ.ராஜூ வெளியிட முதல் பிரதியை தமிழக அரசின் கூடுதல் தலைமைச் செயலாளர் வெ.இறையன்பு பெற்றுக்கொண்டார்.
உள்ளகரம்-ஆதம்பாக்கம் நியூ பிரின்ஸ் பள்ளிகள் சார்பில் அறிவியல் கண்காட்சி நிறைவு விழா: அமைச்சர் கடம்பூர் ராஜூ பங்கேற்பு
- அறிவியல் கண்காட்சி முடிந்தது
- கடம்பூர் ராஜு பங்கேற்கிறார்
- பள்ளிகள்
- இளவரசன்
- பள்ளிகள் அறிவியல் கண்காட்சி நிறைவு விழா