மூணாறு: மூணாறில் இதமான சீதோஷ்ண நிலை நிலவுவதால், குண்டளை அணைக்கு வரும் சுற்றுலா பயணிகளின் எண்ணிக்கை அதிகரித்துள்ளது. கேரள மாநிலம், இடுக்கி மாவட்டம் மூணாறில் உள்ள முக்கிய சுற்றுலா தளங்களில் குண்டளை அணைக்கட்டும் ஒன்றாகும். இடுக்கி மாவட்டத்தில் இரண்டாவது ஆர்ச் அணையாக கருதப்படும் இந்த அணையை பார்வையிட தற்பொழுது சுற்றுலா பயணிகள் அதிகளவில் வருகின்றனர்.