செவ்வாய் கிரகத்தில் ஒரு புதிய ஆக்சிஜன் மர்மத்தை கண்டறிந்தது நாசாவின் கியூரியாசிட்டி விண்கலம்!!

நாசாவின் கியூரியாசிட்டி ரோவர் செவ்வாய் கிரகத்தில் ஒரு புதிய ஆக்சிஜன் மர்மத்தைக் கண்டறிந்துள்ளது. பூமியில் இருந்து சுமார் 22 கோடி கிலோ மீட்டர் தொலைவில் உள்ள செவ்வாய் கிரகத்தை பற்றிய ஆராய்ச்சியில் அமெரிக்கா, ரஷியா, இந்தியா, சீனா உள்ளிட்ட பல்வேறு நாடுகள் மும்முரமாக ஈடுபட்டு வருகின்றன. கடந்த 8 வருடங்களாக, செவ்வாய் கிரக மாதிரிகளில் பல்வேறு ஆய்வுகளை மேற்கொண்ட கியூரியாசிட்டி ரோவர், செவ்வாய் கிரகம் தொடர்பான பல அறிவியல் உண்மைகளைக் கண்டறிந்து பூமிக்கு அனுப்பி உள்ளது.

2011 ஆம் ஆண்டு நவம்பர் 26 ஆம் தேதி, புளோரிடாவில் உள்ள அமெரிக்க விமானப்படை நிலையமான கேப் கானேவாரில் இருந்து செவ்வாய்  கிரகத்திற்கு கியூரியாசிட்டி ரோவர் அனுப்பப்பட்டது.  கியூரியாசிட்டி  350 மில்லியன் மைல் (560 மில்லியன் கி.மீ) பயணம் மேற்கொண்டு செவ்வாயில் இறங்கி உள்ளது. ஆகஸ்ட் 6, 2012 அன்று வெற்றிகரமாக செவ்வாயில்  தரையிறங்கியது.நாசாவின் கியூரியாசிட்டி ரோவர்  அக்டோபர் 11, 2019 அன்று முதன் முதலாக செல்பி புகைப்படத்தை எடுத்தது. அதன் பணியின் 2,553வது செவ்வாய் நாள் அது.

கியூரியாசிட்டி ரோவர், தான் எடுத்த பல செல்பி புகைப்படங்களால் தனது இன்ஸ்டாகிராம் பகுதியில் பெயர் வாங்கியது. இவை, அந்த ரோவரின் பெருமையை காட்டிக்கொள்ளும் விஷயமாக மட்டும் இல்லாமல், ரோவரின் நிலை எவ்வாறு உள்ளது என்பதை நாசா குழுவினர் அறிந்து கொள்ளவும் உதவியது.செவ்வாய் கிரகத்தை ஆய்வு செய்யும் விஞ்ஞானிகளுக்கு நாசாவின் கியூரியாசிட்டி ரோவர் ஒரு புதிய மர்மத்தை கொடுத்து உள்ளது. ரோவரின் மாதிரிகள் சிவப்பு கிரகத்தில் கேல் பள்ளத்தின் மேற்பரப்புக்கு அருகில்  ஆக்சிஜன் உயர்வு மற்றும் வீழ்ச்சியைக் கொண்டிருக்கும்  புதிய ஆய்வின்படி, அதன் முடிவுகள் ஜியோபிசிகல் ரிசர்ச் ஜர்னலில் பத்திரிகையில் வெளியிடப்பட்டு உள்ளது.

செவ்வாய் கிரகத்தில் ஆக்சிஜன் ஒரு மர்மமான முறையில் செயல்படுகிறது. வசந்தகாலம் மற்றும் கோடை காலம்  முழுவதும் ஆக்சிஜன் அளவு 30 சதவீதம் வரை உயர்ந்துள்ளதாக நாசா கண்டறிந்துள்ளது.ஒவ்வொரு வசந்த காலத்திலும் இந்த முறை மீண்டும், மீண்டும் நிகழ்ந்ததாகக் குறிப்பிடுகிறது, இருப்பினும் வளிமண்டலத்தில் சேர்க்கப்படும் ஆக்சிஜனின் அளவு மாறுபட்டது.   செவ்வாய் கிரகத்தில் சில குறிப்பிட்ட கட்டுப்பாடுகள் அல்லது செயல்முறைகள் ஆக்சிஜனை உருவாக்கி பின்னர் அதை எடுத்து செல்கின்றன.

கியூரியாசிட்டி ரோவரின் வயிற்றுக்குள் இருக்கும் செவ்வாய் கிரகத்தின் மாதிரி பகுப்பாய்வு (எஸ்ஏஎம்) சிறிய வேதியியல் ஆய்வகத்தின் தரவுகளின்படி, செவ்வாய் வளிமண்டலத்தில் 95 சதவீதம் கார்பன் டை ஆக்சைடு அளவு. மீதமுள்ள வாயுக்கள் 2.6 சதவீதம் மூலக்கூறு நைட்ரஜன், 1.9 சதவீதம் ஆர்கான் (ஆர்), 0.16 சதவீதம் மூலக்கூறு ஆக்ஸிஜன் (O2), 0.06 சதவீதம் கார்பன் மோனாக்சைடு (CO) ஆகும்.பூமியில் உள்ள பெரும்பாலான உயிரினங்களால் சுவாசிக்கத் தேவையான ஆக்சிஜன் செவ்வாய் கிரகத்தில் அரிதாகவே உள்ளது.

நைட்ரஜன் மற்றும் ஆர்கான் ஒரு கணிக்கக்கூடிய பருவகால முறையைப் பின்பற்றுகின்றன என்றும், கேல் பள்ளத்தில் செறிவு குறைந்து வளர்கிறது என்றும் விஞ்ஞானிகள் கண்டறிந்து உள்ளனர். செவ்வாய் கிரக ஆய்வாளர்கள்  கிரகத்தில் ஆக்சிஜனின் அளவு உயர்வு மற்றும் வீழ்ச்சியை விளக்க முயன்றனர். கார்பன் டை ஆக்சைடு (CO2அல்லது நீர் (H2O) மூலக்கூறுகள் வளிமண்டலத்தில் பிரிந்தபோது ஆக்சிஜனை வெளியிட்டிருக்கக்கூடும் என்று கருதப்பட்டது. ஆனால் கூடுதல் ஆக்சிஜனை உற்பத்தி செய்ய செவ்வாய் கிரகத்திற்கு மேலே ஐந்து மடங்கு அதிக நீர் தேவைப்படும் என்று முடிவு செய்யப்பட்டது. மேலும், கார்பன் டை ஆக்சைடு  மிக மெதுவாக உடைந்து இவ்வளவு குறுகிய காலத்தில் அதை உருவாக்குகிறது என்று நாசா தெரிவித்துள்ளது.

ஆக்சிஜனைப் போலவே, கேல் பள்ளத்தில் பருவகால உயர்வு மற்றும் வீழ்ச்சியைக் கொண்டிருக்கும் மற்றொரு வாயு மீத்தேன் ஆகும். மீத்தேன் உயர்ந்து பருவகாலமாக வீழ்ச்சியடையும் போது, விவரிக்க முடியாத காரணங்களுக்காக கோடை மாதங்களில் இது சுமார் 60 சதவீதம்  அதிகரிக்கும் என்று தெரியவந்தது. இது விஞ்ஞானிகளுக்கு  இன்னும் தீர்க்க முடியாத மர்மமாக உள்ளது.ஆக்சிஜன் மற்றும் மீத்தேன் இரண்டையும் உயிரியல் ரீதியாகவும் (நுண்ணுயிரிகளிலிருந்து) மற்றும் அஜியோடிகலாகவும் (நீர் மற்றும் பாறைகள் தொடர்பான வேதியியலில் இருந்து) உற்பத்தி செய்ய முடியும் என்று நாசா சுட்டிக்காட்டுகிறது.