சென்னை: சென்ட்ரல் - கூடூர் இடையே பராமரிப்பு பணிகள் காரணமாக ரயில்கள் ரத்து செய்யப்படுகிறது என்று தெற்கு ரயில்வே அறிவித்துள்ளது. இதுகுறித்து தெற்கு ரயில்வே வெளியிட்ட அறிக்கை: சென்னை மூர்மார்க்கெட் - சூலூர்பேட்டை இடையே இன்று பிற்பகல் 2.35 மணிக்கு இயக்கப்படும் ரயில் தடா - சூலூர்பேட்டை இடையேயும், சூலூர்பேட்டை - வேளச்சேரி இடையே இன்று மாலை 5.15 மணிக்கு இயக்கப்படும் ரயில் சூலூர்பேட்டை - தடா இடையேயும் ரத்து செய்யப்படுகிறது. இதேபோல், அரக்கோணம் - வேலூர் கன்டோன்மென்ட் இடையே 4ம் தேதி பிற்பகல் 1.05 மணிக்கு இயக்கப்படும் ரயில், வேலூர் கன்டோன்மென்ட்- அரக்கோணம் இடையே காலை 10.10 மணிக்கு இயக்கப்படும் ரயில் ரத்து செய்யப்படுகிறது. மேலும், கவுரா ஜங்ஷன்- யஷ்வந்த்பூர் ட்ராண்டோ எக்ஸ்பிரஸ் 3ம் தேதி காலை 10.50 புறப்பட்டு மறுநாள் 75 நிமிடம் தாமதமாக சித்ரி-மகேந்திரவாடி சென்றடையும். கோவை ஜங்ஷன்- சென்ட்ரல் சென்னை எக்ஸ்பிரஸ் 4ம் தேதி காலை 6.15 மணிக்கு புறப்பட்டு அதேநாள் 10 நிமிடம் தாமதமாக மகேந்திரவாடி சென்றடையும். சென்னை சென்ட்ரல்- மங்களூர் சென்ட்ரல் மேற்கு கோஸ்ட் எக்ஸ்பிரஸ் 4ம் தேதி பிற்பகல் 12.45 மணிக்கு புறப்பட்டு அதே நாள் 50 நிமிடம் தாமதமாக சித்ரி சென்றடையும்.