திருக்கோவிலூர்: திருக்கோவிலூர் அருகே காஸ் ஏற்றி வந்த லாரி மற்றும் லோடு வேன் நேருக்கு நேர் மோதிய விபத்தில், பள்ளி மாணவர்கள் 3 பேர் பலியாகினர். விழுப்புரம் மாவட்டம் லாலாப்பேட்டை கிராமத்தை சேர்ந்தவர் குப்பன் மகன் சந்திரன் (20) என்பவர், தான் புதிதாக வாங்கிய லோடு வேனை பூஜை செய்ய ராவத்தநல்லூர் ஆஞ்சநேயர் கோயிலுக்கு செல்ல இருந்தார். அதே பகுதியை சேர்ந்த மகாலட்சுமி (17), பொன் மனச்செல்வன் (13) உள்ளிட்ட 13 பேரை ஏற்றி கொண்டு லாலாபேட்டையில் இருந்து லோடு வேனில் கிளம்பி சென்றார். வேனை சந்திரன் ஓட்டினார். மகாலட்சுமி, தமிழரசன் உள்ளிட்ட 13 பேரும் அருகருகே கிராமங்களில் உள்ள அரசு பள்ளியில் படித்து வருகின்றனர்.