சென்னை: சென்னையில் வன்கொடுமை குறித்து 2 நாட்கள் பொது விசாரணை நடத்த டெல்லியில் உள்ள தேசிய மனித உரிமை ஆணையம் முடிவு செய்தது. அதன்படி, நேற்று கோட்டூர்புரத்தில் உள்ள அண்ணா நூலகத்தில் இந்த பொது விசாரணை நடத்தப்பட்டது. இதை தேசிய மனித உரிமை ஆணையத்தின் தலைவரும், ஓய்வு பெற்ற உச்ச நீதிமன்றத்தின் தலைமை நீதிபதியுமான எச்.எல்.தத்து தொடங்கி வைத்தார்.கூட்டத்தில் தேசிய மனித உரிமை ஆணைய செகரட்டரி ஜெனரல் ஜெய்தீப் கோவிந்த் பேசியதாவது: தமிழகத்தில் 1993ல் இருந்து இதுவரை 45,799 புகார்கள் பதிவு செய்யப்பட்டுள்ளது. மேலும் கடந்த ஓராண்டில் மட்டும் 3,211 புகார்கள் வந்தது.