தர்மபுரி: தர்மபுரியில் அரசு பள்ளி ஆசிரியரின் சம்பள நிலுவையை வழங்க, ₹5 ஆயிரம் லஞ்சம் வாங்கிய, தர்மபுரி வட்டார கல்வி அலுவலர், உதவியாளர் ஆகியோரை லஞ்ச ஒழிப்பு போலீசார் நேற்று கைது செய்தனர். தர்மபுரி மாவட்டம் நல்லம்பள்ளி அருகே பங்குநத்தம் பகுதியை சேர்ந்தவர் மீனா (40). இவர் சிக்கம்பட்டி அரசு நடுநிலை பள்ளியில், பட்டதாரி ஆங்கில ஆசிரியையாக பணியாற்றி வருகிறார். இவர் கடந்த பிப்ரவரி முதல் மே வரை (4 மாதம்) மருத்துவ விடுப்பு எடுத்திருந்தார். கடந்த மாதம் 17ம் தேதி மீண்டும் பணியில் சேர்ந்தார். அவருக்கு சம்பளம் ஏப்ரல், மே மாதம் நிலுவையில் இருந்தது. அந்த 2 மாத நிலுவைத்தொகையை வாங்க, தர்மபுரி வட்டார கல்வி அலுவலகத்தில் விண்ணப்பம் செய்திருந்தார்.