சென்னை: தென்னிந்திய நடிகர் சங்கத்துக்கு மாவட்ட பதிவாளர் நோட்டீஸ் அனுப்பியுள்ளார். இதனால் திட்டமிட்டபடி தேர்தல் நடைபெறுமா என கேள்வி எழுந்துள்ளது.தென்னிந்திய நடிகர் சங்கத்துக்கு ஜூன் 23ம் தேதி தேர்தல் நடைபெறும் என அறிவிக்கப்பட்டது. இதற்கான வேட்பாளர் இறுதி பட்டியல் நேற்று வெளியிடப்பட்டது. தேர்தலில் பாண்டவர் அணி சார்பில் தலைவர் பதவிக்கு நாசர் போட்டியிடுகிறார். செயலாளர் பதவிக்கு விஷாலும் பொருளாளர் பதவிக்கு கார்த்தியும் போட்டியிடுகின்றனர். சுவாமி சங்கரதாஸ் அணி சார்பில் தலைவர் பதவிக்கு பாக்யராஜ் போட்டியிடுகிறார். செயலாளர் பதவிக்கு ஐசரி கணேஷ், பொருளாளர் பதவிக்கு பிரசாந்த் போட்டியிடுகின்றனர்.