சேலம்:சேலம் ஜங்ஷன் பகுதியை சேர்ந்தவர் கீர்த்திராஜ். எம்பிஏ பட்டதாரி. இவருக்கும், அதேபகுதியை சேர்ந்த பிஇ பட்டதாரியான தனசிரியாவுக்கும் சீலநாயக்கன்பட்டியில் உள்ள திருமண மண்டபத்தில் நேற்று திருமணம் நடந்தது. பின்னர், புதுமண தம்பதியினர் கழுத்தில் மாலையுடன் ஹெல்மெட் அணிந்து கொண்டு டூவீலரில் சுமார் 3 கிலோ மீட்டர் ஊர்வலமாக சென்றனர்.. இந்த தம்பதிக்கு, சீலநாயக்கன்பட்டி அருகே புறக்காவல்நிலைய போலீசார் வாழ்த்து தெரிவித்தனர். இந்த ஊர்வலத்தை முடித்துவிட்டு மண்டபம் வந்த அவர்களை ஹெல்மெட்டோடு ஆரத்தி எடுத்து உறவினர்கள் வரவேற்றனர்.