திருவள்ளூர்: திருவள்ளூர் நகரில் போக்குவரத்து விதிகளை மீறி, அதிகளவில் ஆபத்தான முறையில் பள்ளி சிறுவர்களை ஏற்றி செல்லும் ஷேர் ஆட்டோக்கள் மற்றும் பைக்குகளை கட்டுப்படுத்த நகர போக்குவரத்து போலீசார் நடவடிக்கை எடுக்க வேண்டும் என்று சமூக ஆர்வலர்கள் கோருகின்றனர். ஷேர் ஆட்டோக்களில் சாதாரண ஆட்டோக்களை போல் 3 பேர் தான் பயணிக்க வேண்டும் என்ற விதி உள்ளது. ஆனால், இந்த ஆட்டோக்களில் உள்புறம் 8 பேர், டிரைவரின் இருபுறமும், 2 பேர் என டிரைவருடன் சேர்த்து, 11 பேர் பயணிக்கின்றனர். இதனால் சில நேரங்களில் விபத்துக்குள்ளாகும் போது, உயிர்பலி ஏற்பட்டு வருகிறது. அதிக பாரத்தை ஏற்றி செல்லும்போது, திருப்பங்களில் கவிழ்ந்து விபத்துக்குள்ளாவதும் உண்டு.
இவர்கள், தங்கள் பகுதியில் இருந்து பள்ளி மாணவர்களை பள்ளிக்கு அழைத்து செல்லும் பணியை மேற்கொள்கின்றனர்.