சென்னை: மாநில தலைமை தேர்தல் ஆணையத்தில் கூடுதல் தலைமை தேர்தல் அதிகாரிகளாக இருவர் நியமிக்கப்பட்டுள்ளனர். இது தொடர்பாக தலைமை  செயலாளர் கிரிஜா வைத்தியநாதன் நேற்று வெளியிட்ட அறிக்கை: பொதுப்பணி துறை கூடுதல் செயலாளர் பாலாஜி மற்றும் மாநில மருத்துவ தேர்வாணைய  தலைவர் ராஜாராமன் ஆகிய இருவரும் தேர்தல் ஆணையத்தில் கூடுதல் தலைமை தேர்தல் ஆணையர்களாக தற்காலிக பொறுப்பு ஏற்கின்றனர். அறிவிப்பு  வெளியான தேதியிலிருந்து ஓராண்டுக்கு அப்பொறுப்பில் நீடிப்பார்கள்.