ஏப்ரல் 24ல் வெளியாகும் கமாண்டோவின் லவ் ஸ்டோரி

சென்னை: ஏ.ஏ.ஏ. பிக்சர்ஸ் சார்பில் அனுராதா அன்பரசு தயாரித்து, வீர அன்பரசு கதாநாயகனாக நடித்து, இயக்கியுள்ள படம், ‘கமாண்டோவின் லவ் ஸ்டோரி”. மும்பை மாடல் அழகி ஏஞ்சல் கதாநாயகியாக நடிக்கிறார். ரோபோ சங்கர், பப்லு பிருத்திவிராஜ், பேரரசு, அரவிந்தராஜ், வாழை ஜானகி, மது மிதா உள்பட பலரும் நடித்துள்ளனர்.

வில்லியம்ஸ் ஒளிப்பதிவில், சிவராமன் இசையில் தயாராகும் இந்த படத்துக்கு கார்த்திக் ராஜா பின்னணி இசையமைக்கிறார். இது குறித்து வீர அன்பரசு கூறும்போது, ‘‘ஜவ்வாது மலையில் உள்ள பீமா நீர்வீழ்ச்சிக்கு கீழ் உள்ள பள்ளத்தாக்கில், சுற்றுலா பயணிகளுக்கு கூட அனுமதி இல்லாத இடத்தில் இப்படத்தின் படப்பிடிப்பு நடைபெற்றது. மிகவும் ரிஸ்க் எடுத்து இந்த படத்தை எடுத்துள்ளோம். தேர்தலுக்கு மறுநாள் (ஏப்ரல் 24) இந்தப்படம் திரைக்கு வருகிறது’’ என்றார்.