கிரைம் திரில்லரில் கவுதம் ராம் கார்த்திக்

வெரஸ் புரொடக்‌ஷன்ஸ் சார்பில் ஷேக் முஜீப், சஞ்சய் சங்கர், ராஜராஜன் ஞானசம்பந்தம், தனிஷ்டன் பெர்னாண்டோ தயாரித்துள்ள படம், ‘ரூட்: ரன்னிங் அவுட் ஆஃப் டைம்’. சை-ஃபை கிரைம் திரில்லரான இதன் போஸ்ட் புரொடக்‌ஷன் பணி நடந்து வருகிறது. படம் குறித்து ஷேக் முஜீப் கூறுகையில், ‘படத்தின் அவுட்ஃபுட்டை பார்த்து திருப்தி அடைந்துள்ளோம். எடிட்டிங், பின்னணி இசை, விஎஃப்எக்ஸ், சவுண்ட் டிசைன் ஆகியவை சிறப்பாக இருக்கிறது. தொழில்நுட்ப ரீதியில் அதிக சவால்கள் நிறைந்த இப்படத்தை துல்லியமாகவும், அர்ப்பணிப்பு உணர்வுடனும் படக்குழு எதிர்கொள்வதால், நாங்கள் எதிர்பார்த்த தரத்தை அடைய முடிகிறது.

‘ரஷ்’ காட்சிகளும், ‘கட்ஸ்’களும் அதிக நம்பிக்கையை அளித்துள்ளன’ என்றார். சவுந்தர்யா ரஜினிகாந்த் இயக்கத்தில் ரஜினிகாந்த் நடித்த ‘கோச்சடையான்’ என்ற படத்தில் பணியாற்றிய சூரியபிரதாப்.எஸ் எழுதி இயக்கியுள்ள இப்படத்தில் கவுதம் ராம் கார்த்திக், அபார்ஷக்தி குரானா, பவ்யா திரிகா, ஒய்.ஜி.மகேந்திரன், பாவ்னி ரெட்டி, லிங்கா, ஆர்ஜே ஆனந்தி நடித்துள்ளனர். அர்ஜூன் ராஜா ஒளிப்பதிவு செய்ய, அரன் ரே இசை அமைத்துள்ளார். ஜான் ஆபிரகாம் எடிட்டிங் செய்துள்ளார்.