ஐபிஎல் லீக் போட்டியில் லக்னோ அணிக்கு எதிரான போட்டியில் ராஜஸ்தான் அணிக்காக ஆடிய வைபவ் சூர்யவன்ஷியின் வயது, 14 ஆண்டுகள், 23 நாட்கள் மட்டுமே. அந்த போட்டியில் வைபவ் ஆடிய முதல் பந்திலேயே சிக்சர் விளாசி ரசிகர்களை வியப்பில் ஆழ்த்தினார். 20 பந்துகளில் 3 சிக்சர், 2 பவுண்டரிகளுடன், 34 ரன்களை அவர் குவித்தார். இந்த சாதனைப் பட்டியலில், ஆஸ்திரேலியாவின் ராப் குய்னி, கரீபியன் வீரர் கெவான் கூப்பர், வெஸ்ட் இண்டீசின் ஆண்ட்ரு ரஸல், இந்தியாவின் அனிகேத் சவுத்ரி, இலங்கையைின் மஹீஸ் தீக்சனா, சமீர் ரிஸ்வி உள்ளிட்டோர் உள்ளனர்.

தவிர, ஐபிஎல் போட்டிகளில் மிக இளம் வயதில் சிக்சர் விளாசிய முதல் வீரராக அவர் உருவெடுத்துள்ளார். இதற்கு முன், ராஜஸ்தான் அணிக்காக தற்போது ஆடிவரும் ரியான் பராக், 17 வயது, 161 நாட்கள் இருந்தபோது, சிக்சர் விளாசியதே சாதனையாக இருந்து வந்தது. அதேபோல், மிக இளம் வயதில் ஐபிஎல் போட்டிகளில் ஆடிய வீரர் என்ற சாதனையோடு, பவுண்டரி அடித்த வீரர் என்ற சாதனையையும் அவர் படைத்துள்ளார். இதற்கு முன், இளம் வயதில் பவுண்டரி அடித்த வீரராக, 6 ஆண்டுக்கு முன், பிரயாஸ் ரே பர்மன் படைத்த சாதனையை வைபவ் தற்போது தகர்த்துள்ளார். பர்மன், ஐபிஎல்லில் முதல் பவுண்டரி அடித்தபோது வயது, 16 ஆண்டுகள், 157 நாட்கள்.

The post வைபவின் வயசோ சிறிசு படைத்த சாதனை பெரிசு appeared first on Dinakaran.