சேலம், ஜன.1: சேலம் தாதகாப்பட்டி பொம்மணசெட்டிக்காடு பகுதியை சேர்ந்தவர் சங்கர் (47) கார்பெண்டர். இவர் இரவு நேரத்தில் ஒரு வீட்டிற்குள் புகுந்து அங்கு தூங்கிக்கொண்டிருந்த 13 வயது சிறுவனிடம் பாலியல் ரீதியான துன்புறுத்தலில் ஈடுபட்டார். அப்போது சிறுவன் சத்தம் போட்டுள்ளான். இதனால் அங்கிருந்து சங்கர் தப்பியோடினார். இதுபற்றி டவுன் மகளிர் காவல்நிலையத்தில் புகார் அளிக்கப்பட்டது. அதன்பேரில் இன்ஸ்பெக்டர் கலைவாணி மற்றும் போலீசார் விசாரணை நடத்தினர். இதையடுத்து சங்கரை போக்சோ சட்டத்தின் கீழ் கைது செய்தனர். தொடர்ந்து அவரை நீதிமன்றத்தில் ஆஜர்படுத்தி சிறையில் அடைத்தனர். சங்கருக்கு திருமணமாகி 3 குழந்தைகள் இருப்பது குறிப்பிடத்தக்கது.

The post போக்சோ வழக்கில் கார்பெண்டர் கைது appeared first on Dinakaran.