ஊத்தங்கரை, ஜன.1: ஊத்தங்கரை பேரூராட்சி அலுவலகத்தில் தூய்மை பணியாளர்களுடன் புத்தாண்டு கொண்டாடும் நிகழ்ச்சி நடைபெற்றது. பேரூராட்சி தலைவர் அமானுல்லா தலைமை தாங்கினார். செயல் அலுவலர் ரவிசங்கர் முன்னிலை வகித்தார். பேரூராட்சியில் பணியாற்றும் தூய்மை பணியாளர்கள், வாகன டிரைவர்கள், அலுவலக பணியாளர்கள் உள்பட அனைவருக்கும் புத்தாண்டை முன்னிட்டு பரிசுகளை தணிகை கருணாநிதி மற்றும் உதவி தலைமை ஆசிரியர் கணேசன் ஆகியோர் வழங்கினர். இந்த நிகழ்ச்சியில் பார்த்திபன், சிவா, கதிர்வேல், கண்ணாமணி, சாதிக் பாஷா, விஜயகுமார், பிரபாவதி மற்றும் பேரூராட்சி பணியாளர்கள் கலந்து கொண்டனர். நிகழ்ச்சிக்கான ஏற்பாடுகளை வெங்கடேசன், பழனி, கிருபாகரன் ஆகியோர் செய்திருந்தனர்.
The post தூய்மை பணியாளர்களுடன் புத்தாண்டு கொண்டாட்டம் appeared first on Dinakaran.
