சூளகிரி, டிச.13: சூளகிரி அருகே மல்லசந்திரத்தை சேர்ந்தவர் முருகன் மகன் சதீஷ்(25). இவர் கூலி வேலைக்காக சாமல்பள்ளத்தை நோக்கி, நேற்று காலை டூவீலரில் சென்று கொண்டிருந்தார். பீருபள்ளி சாமல்பள்ளம் நெடுஞ்சாலையில் சென்ற போது, அவ்வழியாக வந்த தனியார் பள்ளி பஸ், டூவீலர் மீது மோதியது. இதில் தூக்கி வீசப்பட்டு படுகாயமடைந்த சதீஷ், சம்பவ இடத்திலேயே உயிரிழந்தார். இதுபற்றி தகவலறிந்து வந்த சதீஷின் உறவினர்கள் மற்றும் அப்பகுதியை சேர்ந்தவர்கள் பள்ளி பஸ்சை சிறைபிடித்தனர். தகவலறிந்து வந்த சூளகிரி போலீசார், அவர்களை சமாதானப்படுத்தினர். பின்னர், சதீஷின் சடலத்தை மீட்டு, பிரேத பரிசோதனைக்காக அரசு மருத்துவமனைக்கு அனுப்பி வைத்து, விசாரணை நடத்தி வருகின்றனர்.
The post டூவீலர் மீது பள்ளி பஸ் மோதி வாலிபர் பலி appeared first on Dinakaran.
