ஓசூர், டிச.13: ஓசூர் தாலுகா பாகலூரை சேர்ந்தவர் காவேரியப்பன் (44). இவர் நேற்று முன்தினம், டூவீலரில் கிருஷ்ணகிரி-ஓசூர் சாலையில் சென்று கொண்டிருந்தார். அப்போது அந்த வழியாக வந்த வாகனம், காவேரியப்பன் மீது மோதியது. இதில் படுகாயமடைந்த அவர் சம்பவ இடத்திலேயே உயிரிழந்தார். இதுபற்றி தகவலறிந்து சென்ற ஓசூர் அட்கோ போலீசார், அவரது சடலத்தை கைப்பற்றி அரசு மருத்துவமனைக்கு அனுப்பி வைத்து விசாரித்து வருகின்றனர். இதேபோல், ஜார்கண்ட் மாநிலத்தை சேர்ந்தவர் மிதிலேஷ்குமார் (34). இவர் ஓசூரில் தங்கி வேலை செய்து வந்தார். கடந்த 8ம் தேதி பெங்களூரு-ஓசூர் தேசிய நெடுஞ்சாலையில், ஜூஜூவாடி அருகே சாலையை கடந்தபோது அந்த வழியாக வந்த கார் அவர் மீது மோதியது. இதில் மிதிலேஷ்குமார் சம்பவ இடத்திலேயே உயிரிழந்தார். இதுபற்றி சிப்காட் போலீசார் வழக்குப்பதிவு செய்து விசாரித்து வருகின்றனர்.
The post வெவ்வேறு விபத்தில் 2 வாலிபர்கள் பலி appeared first on Dinakaran.
