ஸ்ரீபெரும்புதூர்: சோமங்கலம் அருகே புதுநல்லூர் பகுதியை சேர்ந்தவர் மீன் வியாபாரி ரவி (45). இவருக்கு, ஜெயந்தி (46) என்ற மனைவியும், 2 மகன்களும் உள்ளனர். இதனிடையே, கடந்த 23ம்தேதி இரவு தம்பதியினர் இடையே வாய் தகராறில் ஜெயந்தி, அடுப்பில் சமையல் எண்ணெய்யை கொதிக்க வைத்து, அதனை ரவி மீது ஊற்றியுள்ளார். இது குறித்து சோமங்கலம் போலீசார் கொலை முயற்சி வழக்கு பதிவு செய்து ஜெயந்தியை சிறையில் அடைத்தனர். இந்நிலையில், கடந்த 4 நாட்களாக சென்னை கீழ்ப்பாக்கம் அரசு மருத்துவமனையில் தீவிர சிகிச்சை பெற்று வந்த ரவி, நேற்று சிகிச்சை பலனின்றி பரிதாபமாக பலியானார். இதனையடுத்து சோமங்கலம் போலீசார், கொலை வழக்காக பதிவு செய்துள்ளனர்.
The post கொதிக்கும் எண்ணெய்யை மனைவி ஊற்றியதால் படுகாயமடைந்த கணவன் சிகிச்சை பலனின்றி பலி appeared first on Dinakaran.
